Yngriflokkar Fjarðabyggðar í samvinnu við Eimskip heldur knattspyrnumót í Fjarðabyggðarhöllinni á Reyaðrfirði fyrir 5., 6. og 7. flokk karla og kvenna. Mótið verður laugardaginn 12. nóvember og er áætlað 6. og 7. flokkur verði frá  kl. 10:00 til 12:30 og 5. flokkur frá kl. 12:00 til 15:00. Verðlaunaafhending verður strax að loknum keppnisdegi flokkana. Leikið verður eftir knattspyrnureglum KSÍ í 7 manna keppni. Stefnt er að því að spila bæði í A- og B-liðum ef næg þátttaka fæst.

Knattspyrnuakademía Tandrabergs sem yngri flokkar Fjarðabyggðar standa að fór fram um helgina 14. og 15. okt í Fjarðabyggðarhöllinni. Fótboltaæfingar, kvöldvaka og fyrirlestur einkendu dagskrána sem byrjaði kl. 15:00 á föstudegi og lauk kl. 16:00 á laugardegi. Um 200 þátttakendur víðsvegar af austurlandi á aldrinum 6 - 15 ára tóku þátt að þessu sinni og hefur þátttakan aldrei verið meiri en þetta var í þriðja skiptið sem akademían er haldin undir merkjum Tandrabergs. Um 14 þjálfarar úr Fjarðabyggð og Pepsídeild kvenna ásamt leikmönnum úr pepsídeild karla stjórnuðu æfingum og voru krakkarnir mjög ánægðir með þær æfingar sem boðið var upp á. Einng var sú nýbreytni þetta árið að boðið var upp á fyrirlestur fyrir foreldra sem þótti takast mjög vel. Yngri flokkar Fjarðabyggðar vilja þakka öllum þátttakendunum fyrir komuna, öllum þjálfurum og þeim fjölmörgum foreldrum sem lögðu hönd á plóginn fyrir sitt framlag.

Knattspyrnusamband Íslands mun halda KSÍ II þjálfaranámskeið á Reyðarfirði helgina 18.-20. Nóvember. Áhugasamir eru hvattir til að skrá sig tímanlega. Dagskrá námskeiðsins er í vinnslu og verður auglýst síðar. Námskeiðsgjald er kr. 15.000,-

Námskeiðið er opið öllum og skráning er hafin. Hægt er að skrá sig með því að senda tölvupóst á dagur@ksi.is og með því að hringja í síma 510-2977. Vinsamlegast látið eftirfarandi upplýsingar fylgja skráningu: Nafn, kennitala, félag, símanúmer og tölvupóstfang.

Knattspyrnuakademía Tandrabergs og Fjarðabyggðar 2011